મથુરાના બરસાનામાં રાધાષ્ટમી પર ગૂંગળામણને કારણે 2 ભક્તોના મોત

રાધા અષ્ટમીના અવસર પર મથુરાના બરસાનામાં રાધાષ્ટમીના અવસર પર લાખો ભક્તો એકઠા થાય છે ત્યારે એક મોટો અકસ્માત થયો છે. અહીં ભારે ભીડમાં ગૂંગળામણને કારણે બે શ્રદ્ધાળુઓના મોત થયા છે. પ્રાથમિક માહિતી મુજબ આ બંનેના મૃત્યુ શ્વાસ રૂંધાવાને કારણે થયા હોવાનું જાણવા મળે છે ત્યારે ભોગ બનનાર મહિલાના મૃતદેહની ઓળખ કરી લેવામાં આવી છે જ્યારે પુરૂષના મૃતદેહની હજુ સુધી ઓળખ થઈ શકી નથી. આ બંનેની ઉંમર 60 વર્ષની આસપાસ હોવાનું કહેવાય છે. આ ઉપરાંત પણ કેટલાક લોકોને શ્વાસ લેવામાં તકલીફ થવાને કારણે હોસ્પિટલમાં દાખલ કરવામાં આવ્યા છે.
ઉલ્લેખનીય છે કે પાછલા વર્ષોમાં પણ રાધાષ્ટમીના દિવસે રાધારાણી મંદિરમાં નાસભાગમાં ઘણી જાનહાની થઈ હતી ત્યારે પહેલાથી જ લાખો લોકો એકઠા થવાની અપેક્ષા હતી. આમ છતાં વહીવટી તંત્ર એલર્ટ ન હોવાનું ચર્ચાઈ રહ્યું છે.

ઉલ્લેખનિય છે કે,રાધાષ્ટમી અને કૃષ્ણ જન્માષ્ટમી, રાધા અને કૃષ્ણના જન્મદિવસ, રાધા રાણી મંદિરના મુખ્ય તહેવારો છે. આ બંને દિવસે મંદિરને ફૂલો, ફુગ્ગાઓ અને રોશનીથી શણગારવામાં આવે છે. દેવતાઓ નવા વસ્ત્રો અને આભૂષણોમાં સજ્જ છે. “આરતી” કર્યા પછી, રાધા કૃષ્ણને 56 પ્રકારની વાનગીઓ, જેને “છપ્પન ભોગ” તરીકે પણ ઓળખવામાં આવે છે, જે પછી ભક્તોને “પ્રસાદ” તરીકે વહેંચવામાં આવે છે.

શ્રી રાધા રાણી મંદિર એ એક ઐતિહાસિક હિન્દુ મંદિર છે, જે ઉત્તર પ્રદેશ, ભારતના મથુરા જિલ્લાના બરસાનામાં આવેલું છે. આ મંદિર દેવી રાધાને સમર્પિત છે. મંદિરના મુખ્ય દેવતા રાધા કૃષ્ણ છે જે એકસાથે શ્રી લાડલી લાલ તરીકે પૂજાય છે જેનો અર્થ થાય છે શહેરની પ્રિય પુત્રી અને પુત્ર.

આ મંદિર ભાનુગઢ પહાડીઓની ટોચ પર ફેલાયેલું છે, જેની ઊંચાઈ લગભગ 250 મીટર છે. આ મંદિર તેના સૌથી લોકપ્રિય તહેવારો – રાધાષ્ટમી અને લથમાર હોળી માટે વિશ્વભરના ભક્તો અને પ્રવાસીઓની વિશાળ ભીડને આકર્ષે છે.