દિવાળીને ધ્યાનમાં લઈને ST વિભાગ વધારાની 2000 બસ દોડાવશે
દિવાળી આપણા દેશનો ખાસ તહેવાર છે જેથી પોતાના ઘરથી દુર વસતા દરેક લોકો પોતાના માદરેવતન વસતા પરિવાર સાથે દિવાળીની ઉજવણી કરવા જતાં હોય છે અને આ કારણે બસો અને ટ્રેનમાં ખાસ્સી હાલાકી ભોગવવી પડતી હોય છે ત્યારે લોકો આસાનીથી પોતાના નિયત સ્થળે પહોંચી શકે અને દિવાળીની ઉજવણી કરી શકે એ માટે એસટી વિભાગે દિવાળીના તહેવાર પર વધારાની 2 હજાર બસ દોડાવવાનું આયોજન કર્યું છે.
ચાલુ વર્ષે દિવાળીએ ગુજરાત એસટી નિગમ તરફથી અંદાજિત 2 હજાર જેટલી વધારાની બસો પ્રવાસીઓ માટે દોડાવવાનો નિર્ણય કરાયો છે જેમાં ખાસ વાત એ છે કે, આ વખતે એસટી નિગમ તરફથી શ્રમિક વર્ગને પણ કોઈ હાલાકી ન પડે તેની તકેદારી રાખીને વતન જવા માંગતા શ્રમિકોને પોતાના નિશ્ચિત સ્થળ પરથી એક સાથે બસના તમામ પ્રવાસી જેટલી સંખ્યા થાય તો એસટી નિગમ ઓન ડિમાંડ બસ સ્થળ પર પહોંચાડશે અને તેમને વતનમાં પહોંચાડવામાં આવશે. ST નિગમના આ નિર્ણયના કારણે શ્રમિક વર્ગમાં ખુશી જોવા મળી રહી છે.
