Love Jihad:સુરતની કિશોરીને પ્રેમજાળમાં ફસાવી ભગાડી જનાર મુસ્લિમ યુવકની ધરપકડ
રાજ્ય સરકાર દ્વારા લવ જેહાદ અંગે કાયદો પણ લાવવામાં આવ્યો છે તેમ છતાં રાજ્યમાં લવ જેહાદના અનેક કિસ્સા સામે આવી રહ્યા છે ત્યારે આજે ફરી લવ જેહાદ અને અપહરણના કિસ્સામાં અમદાવાદના કાલુપુરથી એક મુસ્લિમ યુવકની ધરપકડ કરવામાં આવી છે અને આ મુસ્લિમ યુવકના કબ્જામાંથી 14 વર્ષીય કિશોરીને પણ મુક્ત કરાવાઈ છે.
સુરતના વેસુમાં લવ જેહાદની ઘટના બની હતી જેમાં વેપારીની 14 વર્ષીય કિશોરીને સોશિયલ મીડિયાથી પ્રેમજાળમાં ફસાવી મહારાષ્ટ્રના મુસ્લિમ યુવકે અપહરણ કર્યુ હતું. આ વિધર્મી યુવકે પહેલાં કિશોરીને પ્રેમજાળમાં ફસાવી હતી. બાદમાં સુરત આવી કિશોરીને મુંબઈથી અજમેર ભગાડી ગયો હતો જ્યાં મુસાફિર ખાનામાં બન્ને રોકાયા હતા. જેથી આ અંગે વેસુ પોલીસ સ્ટેશનમાં અપહરણનો ગુનો નોંધાયો હતો. મળતી માહિતી પ્રમાણે આરોપી મુસીબ ગેરેજમાં કામ કરે છે. આરોપી મુસીબ અને કિશોરીનું મેડિકલ પરીક્ષણ કરવામાં આવ્યું છે તેમજ પાલીસ દ્વારા આગળની કાર્યવાહી હાથ ધરવામાં આવી છે.
.
