નિમ્ન પ્રાથમિક શાળા સાવા ખાતે વિદ્યાર્થીઓને વિનામૂલ્યે નોટબુક વિતરણ
સુરત જિલ્લાના માંગરોળ સ્થિત જિલ્લા પંચાયત શિક્ષણ સમિતિ, સુરત સંચાલિત નિમ્ન પ્રાથમિક શાળા, સાવા ખાતે દાતાઓ દ્વારા બાળકોને સ્કૂલબેગ, નોટબૂક વિગેરેનું વિતરણ કરાયું હતું.શાળાના પ્રિન્સિપલના જણાવ્યા મુજબ શ્રી વિરેન્દ્રસિંહ મહેન્દ્રસિંહ સુરતીયા તરફથી તમામ બાળકોને સ્કૂલબેગ, શ્રી વિમલભાઈ જૈન (વેલાછા) તરફથી નોટબૂક તથા રોટરી ક્લબ ઓફ ખરચ તરફથી નોટબૂક અને તમામ બાળકોને સેન્ડલ તથા નાસ્તો તેમજ માજી આચાર્યશ્રી સ્વ. મહેશભાઈ ભીખાભાઈ પટેલ તરફથી સાઉન્ડ સિસ્ટમ અને કે. એમ. ચોક્સી (હેમલતાબેન ચેરિટેબલ ટ્રસ્ટ) તરફથી બાળકોને ટ્રેક-ટી શર્ટ અને નાસ્તો આપવામાં આવ્યો હતો.
દાતાઓએ બાળકોના ઉચ્ચ શિક્ષણ તેમજ ઉજ્જવળ ભવિષ્યની કામના કરી હતી. શાળા તરફથી દાતાઓનો આભાર માનવામાં આવ્યો હતો.
