બેંગલુરુ: ફટાકડાની દુકાન અને ફેક્ટરીમાં લાગી આગ, 10 લોકો ભૂંજાયા

કર્ણાટકની રાજધાની બેંગલુરુમાં શનિવારે સાંજે બહારી વિસ્તાર અટ્ટીબેલેમાં એક ફટાકડાની દુકાનમાં ભીષણ આગ ફાટી નિકળી હતી જેમાં 10 લોકો જીવતા ભૂંજાઈ ગયા હતા. આ આગ એટલી વકરાળ હતી કે, વિસ્ફોટનો અવાજ દૂર દૂર સુધી સંભળાઈ રહ્યો હતો.

આ અંગે જાણવા મળતી માહિતી મુજબ ગાડીમાંથી ફટાકડાની પેટીઓ ઉતારતી વખતે આ ઘટના બની હતી અને બાદમાં જોત જોતામાં આખી દુકાન અને ગોડાઉનમાં આગ ફેલાઈ ગઈ હતી. જો કે, જ્યાં સુધી બચાવકર્મી ઘટનાસ્થળ પર પહોંચે ત્યાં સુધીમાં આગમાં 10 લોકોના મોત થઈ ચુક્યા હતા. હલમાં ઘટનાસ્થળ પરથી 10 લોકોની લાશ મળી છે ત્યારે હજુ પણ અમુક લોકો આગમાં ફસાયા હોવાની શંકા સેવાઈ રહી છે. હાલમાં રાહત અને બચાવ કામ ચાલી રહ્યું છે અને 80 ટકા આગ કાબૂમાં લઈ લેવામાં આવી છે.