Good news: ભારત-પાક મેચ માટે BCCI રિલીઝ કરશે 14 હજાર ટિકિટ
વિશ્વકપમાં ભારત અને પાકિસ્તાન વચ્ચે 14 ઓક્ટોબરે મુકાબલો થશે જેમાં રોહિત શર્માની આગેવાનીવાળી ભારતીય ટીમ પાકિસ્તાન વિરુદ્ધ અમદાવાદના નરેન્દ્ર મોદી સ્ટેડિયમમાં આમને-સામને રમશે. ત્યારે ક્રિકેટ ફેન્સ માટે એક સારા સમાચાર છે કે ભારત-પાકિસ્તાન મેચ માટે બીસીસીઆઈ 14 હજાર ટિકિટ રિલીઝ કરશે જે ક્રિકેટ ફેન્સ ઓનલાઈન ટિકિટ બુક કરી શકશે.
આ માટે રવિવારે બપોરે 12 કલાકથી ક્રિકેટ ફેન્સ ભારત-પાકિસ્તાન મેચની ટિકિટ ખરીદી શકશે. ફેન્સ ઓફિશિયલ વેબસાઇટ https://tickets.cricketworldcup.com પર ટિકિટ ખરીદી શકશે. આ ભારતીય ટીમની ત્રીજી વિશ્વકપની મેચ હશે. ભારતીય ટીમ 8 ઓક્ટોબરે ચેન્નઈમાં ઓસ્ટ્રેલિયા વિરુદ્ધ પોતાના વિશ્વકપ અભિયાનનો પ્રારંભ કરશે. ત્યારબાદ ઈંગ્લેન્ડ, સાઉથ આફ્રિકા, શ્રીલંકા, બાંગ્લાદેશ અને નેધરલેન્ડ વિરુદ્ધ રમશે. જ્યારે ટૂર્નામેન્ટની ફાઈનલ 19 નવેમ્બરે રમાશે.
