LICના 67મા સ્થાપના દિવસની કતારગામ શાખામાં ઉત્સાહભેર ઉજવણી

માજી મેયર ડો. રવિન્દ્ર પાટિલની વિશેષ ઉપસ્થિતિમાં કાર્યક્રમ યોજાયો, LICની અવિરત સફર અને ગ્રાહકો પ્રત્યેની પ્રતિબદ્ધતાની પ્રશંસા

એલઆઈસી ઓફ ઈન્ડિયાની કતારગામ શાખામાં આજે તા 1/9/2023ના દિવસે એલઆઈસીના 67મા સ્થાપના દિવસની ઉજવણી ખૂબ શાનદાર રીતે કરવામાં આવી હતી.
આ શુભ પ્રસંગે સુરત શહેરના માજી મેયરશ્રી ડો. રવિન્દ્ર પાટીલ સાહેબ મુખ્ય મહેમાન તરીકે ઉપસ્થિત રહ્યા હતાં, જેમણે એલઆઈસીની 67 વર્ષની શાનદાર સફર અને કામગીરીનો વિશેષ ઉલ્લેખ કરી એલઆઈસીની કામગીરી અને ગ્રાહકો પ્રતિની એની કટિબદ્ધતાના ખુબ વખાણ કર્યા હતા. તેમણે આંકડા સાથે એલઆઈસીની ક્ષમતાની પણ વાત કરી હતી.
શાખાના વરિષ્ઠ શાખા પ્રબંધક શ્રી ચંદ્રકાંત પાનેરીયા સાહેબે એલઆઈસીની વર્ષગાંઠની શુભેચ્છા પાઠવતાં કહ્યું હતું કે આપણે ભારતના તમામ નાગરિકોને વીમા કવચ પુરું પાડી આપણી ફરજોને પુરી કરવાની છે.
શાખાના સહાયક શાખા પ્રબંધક શ્રી મયંક દેસાઈ સાહેબે ખુબ સરસ રીતે કાર્યક્રમનુ સંચાલન કર્યું હતું અને આપણા કામને અને ભવ્ય વારસાને આગળ લઈ જવાનું આહ્વાન કર્યું હતું.
શાખાના અન્ય કર્મચારી મિત્રોએ પણ પ્રસંગને અનુરૂપ વાત કરી હતી. કતારગામ શાખાને ખુબ સરસ રીતે શણગારવામા આવી હતી અને મિઠાઈ વહેંચી આ પ્રસંગને સૌ કર્મચારી મિત્રોએ ખુબ ઉત્સાહભેર ઉજવ્યો હતો.