છેતરપિંડી રોકવા સરકાર સતર્કઃ એક ID પર ચારથી વધુ સીમકાર્ડ નહીં
સરકાર એક ID પર ઉપલબ્ધ સિમ કાર્ડની સંખ્યા 9 થી ઘટાડીને 4 કરવાની યોજના અંગે વિચારી રહી છે. આનાથી છેતરપિંડી કરનારાઓ માટે એક જ આઈડી પર એકથી વધુ સિમ કાર્ડ મેળવવાનું અને ઓનલાઈન છેતરપિંડી માટે તેનો ઉપયોગ કરવાનું મુશ્કેલ બનશે.
આ માર્ગદર્શિકા ટૂંક સમયમાં લોકો માટે જાહેર કરવામાં આવશે. આ સિવાય સરકાર કસ્ટમર વેરિફિકેશન પ્રક્રિયાને સંપૂર્ણ રીતે ડિજીટલ કરવાની પણ યોજના બનાવી રહી છે. આ છેતરપિંડી અટકાવવામાં મદદ કરશે.આ ઉપરાંત સરકાર અનિચ્છનીય કોલ અને ફ્રોડ કોલિંગને રોકવા માટે પગલાં લઈ રહી છે. જેમાં ટેલિકોમ કંપનીઓને AI ફિલ્ટર સેટ કરવામાં મદદ કરવાનો સમાવેશ થાય છે. AI ફિલ્ટર અજાણ્યા કોલ અને મેસેજને ઓળખી અને બ્લોક કરી શકે છે જે લોકોને અનિચ્છનીય કોલ અને છેતરપિંડી કોલિંગથી બચાવવામાં મદદ મળશે. સરકારનું માનવું છે કે આ પગલાંથી અનિચ્છનીય કોલ્સ અને ફ્રોડ કોલિંગની સંખ્યામાં ઘટાડો થશે. આ લોકોને સલામત અને આરામદાયક અનુભવવામાં મદદ કરશે.
