સોમવારે પણ ખુલ્લું રહેશે હવે Statue of unity
નર્મદા જિલ્લામાં આવેલાં સ્ટેચ્યુ ઓફ યુનિટી જોવા માટે રજાના દિવસોમાં પ્રવાસીઓનો ખાસ્સો ધસારો રહેતો હોય છે ત્યારે સત્તાધીશો દ્વારા પ્રવાસીઓના હિતને ધ્યાનમાં રાખીને આવનારી 2જી ઓક્ટોબર 2023, 27 નવેમ્બર 2023 અને 25 ડિસેમ્બર 2023ના રોજ સ્ટેચ્યૂ ઓફ યુનિટી ચાલુ રાખવાનો નિર્ણય લેવામાં આવ્યો છે. ઉલ્લેખનિય છે કે સામાન્ય દિવસોમાં સ્ટેચ્યુ ઓફ યુનિટીને મેન્ટનન્સ માટે સોમવારે બંધ રાખવામાં આવતું હોય છે પરંતુ આ નિર્ણયના કારણે આગામી 3 ઓકટોબર મંગળવાર, 28 નવેમ્બર મંગળવાર અને 26 ડિસેમ્બર મંગળવારના રોજ સ્ટેચ્યુ ઓફ યુનિટી બંધ રહેશે.
નર્મદા જિલ્લાના એકતાનગર ખાતે આવેલી વિશ્વની સૌથી ઉંચી પ્રતિમા સ્ટેચ્યુ ઓફ યુનિટી જોવા માટે સતત પ્રવાસીઓનો ધસારો રહેતો જ હોય છે અને રજાઓમાં વધુ લોકો આવતા હોય છે જેથી આગામી દિવસોમાં સોમવારના દિવસે આવતી જાહેર રજાઓમાં 2 ઓકટોબરે ગાંધી જયંતિ, 27 નવેમ્બર ગુરુનાનક જયંતિ અને 25 ડિસેમ્બર નાતાલનો સમાવેશ થાય છે ત્યારે પ્રવાસીઓ બહોળી સંખ્યામાં જાહેર રજાના દિવસે એકતાનગર ખાતે આવેલા સ્ટેચ્યુ ઓફ યુનિટી તથા અન્ય પ્રવાસન સ્થળોની મુલાકાત લઈ શકે તે હેતુથી સત્તાધીશો દ્વારા સ્ટેચ્યુ ઓફ યુનિટી પ્રવાસીઓ માટે ચાલુ રાખવાનો નિર્ણય કરવામાં આવ્યો છે.
