સુરતના ગોરાટ હનુમાનદાદા મંદિરમાં સુંદર કાંડનું ભવ્ય આયોજન

સુરત સમસ્ત ગુજરાત બ્રહ્મ સમાજ, સુરત આયોજિત – અમદાવાદ સહિત ગુજરાતના સુપ્રસિદ્ધ શ્રી અશ્વિનકુમાર પાઠકજીના સુમુધુર કંઠે સુરત પશ્ચિમ તાડવાડી સ્થિત ગોરાટ હનુમાનજી મંદિર, હનુમાન ચોકમાં તારીખ ૭ ડિસેમ્બર ગુરુવારના રોજ રાત્રે ૮ કલાકે સંગીતમય સુંદર કાંડનું ભવ્ય આયોજન ક૨વામાં આવેલ છે.

આ ભક્તિમય કાર્યક્રમમાં સમસ્ત ગુજરાત બ્રહ્મ સમાજ સહિત ગોરાટ હનુમાન મંદિર- ભક્ત મંડળ- મહિલા મંડળ, અખિલ ભારતીય જીણ માતા સંઘ- અન્નપૂર્ણા મંદિર- પાલ- સુરત, સલાસર મંડળ, દાધિચી મંડળ, સહિત 25 થી વધુ મંડળોના સભ્યો- સત્સંગીઓ બહોળી સંખ્યામાં સુંદર કાંડના પાઠનમાં સામુહિક રીતે જોડાશે. ત્યારે હનુમાન ચોકની પરિધમાં આવેલ સોસાયટી- એપાર્ટમેન્ટના રહીશો તથા બ્રહ્મ સમાજના આગેવાનો આ કાર્યક્રમ સંદર્ભે તડામાર તૈયારીઓ તથા પ્રચાર પ્રસાર સહિતની પ્રભાત ફેરી અને રાત્રે ઢોલ નગારા સહિત સમગ્ર વિસ્તારને ધાર્મિક મહોલથી મહેકાવી રહ્યા છે.

ગુરુજી અશ્વિનકુમાર પાઠકજીનો સુરતમાં ગત વર્ષે અન્નપૂર્ણા મંદિર પછી આ બીજો કાર્યક્રમ છે. ત્યારે ગત વર્ષની ભવ્ય સફળતા બાદ આ કાર્યક્રમ માટે ધાર્મિક સત્સંગીઓ સુંદર કાંડમાં સહભાગી થવા નોંધણી ઝુંબેશને સફળ બનાવી રહ્યા છે.