શિવલિંગ હટાવવાનો આદેશ લખતી વખતે મદદનીશ રજિસ્ટ્રાર થયા બેહોશ

કોલકાતા હાઈકોર્ટના જસ્ટિસ જોય સેનગુપ્તાએ એક કેસમાં ચુકાદો આપ્યો હતો કે વિવાદિત જમીન પરથી શિવલિંગ હટાવવા જોઈએ. પરંતુ તે શિવલિંગને દૂર કરવાનો નિર્ણય નોંધતી વખતે આસિસ્ટન્ટ રજિસ્ટ્રાર અચાનક બેહોશ થઈ ગયા હતા. તેને કોર્ટના આરોગ્ય કેન્દ્રમાં દાખલ કરવામાં આવ્યો હતો.બીજી તરફ આસિસ્ટન્ટ રજિસ્ટ્રારની હાલત જોઈને જસ્ટિસે પણ પોતાનો નિર્ણય બદલી નાખ્યો.

કોર્ટના સૂત્રોના જણાવ્યા અનુસાર, સુદીપ પાલ અને મુર્શિદાબાદના બેલડાંગા, ખિદીરપુરના રહેવાસી ગોવિંદ મંડલ વચ્ચે જમીનના ટુકડાને લઈને લાંબા સમયથી વિવાદ ચાલી રહ્યો છે. ગયા વર્ષે મે મહિનામાં આ વિવાદ મારામારી સુધી પહોંચી ગયો હતો. કથિત રીતે, આ પછી ગોવિંદાએ વિવાદિત જમીન પર રાતોરાત શિવલિંગની સ્થાપના કરી. આ અંગે સુદીપે પોલીસ સ્ટેશનમાં ફરિયાદ કરી હતી. પોલીસે આ મામલે તપાસ કરવાની ખાતરી આપી હતી. જો કે, જ્યારે પોલીસે કોઈ કાર્યવાહી ન કરી, ત્યારે સુદીપે કલકત્તા હાઈકોર્ટનો સંપર્ક કર્યો હતો. અરજીકર્તા સુદીપ પાલના વકીલ તરુણજ્યોતિ તિવારીએ કોર્ટને કહ્યું કે ગોવિંદાએ વિવાદિત જમીન પર જાણીજોઈને શિવલિંગ સ્થાપિત કર્યું હતું. પોલીસે કોઈ પગલાં લીધાં નથી એટલા માટે કોર્ટે આ મામલે દખલ કરવી જોઈએ.

ગોવિંદાના વકીલ મૃત્યુંજય ચટ્ટોપાધ્યાયે ન્યાયાધીશને કહ્યું, “મારા અસીલે શિવલિંગની સ્થાપના નથી કરી, પરંતુ શિવલિંગ પોતે જ જમીનમાંથી બહાર આવ્યું છે.” બંને પક્ષોની દલીલો સાંભળ્યા બાદ જસ્ટિસ જોય સેનગુપ્તાએ તેને જમીન પરથી હટાવવાનો આદેશ આપ્યો હતો. જજનો નિર્ણય રેકોર્ડ કરતી વખતે અચાનક આસિસ્ટન્ટ રજિસ્ટ્રાર વિશ્વનાથ રાય બેભાન થઈ ગયા. આ જોઈને જસ્ટિસે પણ પોતાનો નિર્ણય બદલી નાખ્યો અને કહ્યું કે, આ મામલાને નીચલી કોર્ટમાં સિવિલ કેસ દ્વારા ચલાવવામાં આવે.

જો કે શ્રાવણ માસમાં જ્યાં શિવજીને જળ અર્પણ કરવામાં આવતું હોય છે. આવા સમયે કોલકત્તા હાઈકોર્ટનો શિવલિંગને ખાલી કરવાના નિર્ણયનો ચુકાદો નોંધવામાં તેમને જે મુશ્કેલીનો સામનો કરવો પડ્યો, તે જોઈને દરેક લોકો આશ્ચર્યચકિત છે.