હરિયાણા ખાતે જીવલેણ અકસ્માતમાં ચૌધરી સમાજના 5 વ્યક્તિઓના મોત

હરિયાણામાં આજે ટ્રક અને કાર વચ્ચે ગમખ્વાર અકસ્માત સર્જાયો હતો. આ અકસ્માતમાં પાટણ અને મહેસાણાના 5 વ્યક્તિઓના કમકમાટીભર્યા મોત નિપજ્યાં છે. ભોગ બનનાર આ પાંચેય ગુજરાતીઓ ઉત્તર ગુજરાતના ચૌધરી સમાજના યુવકો હતો.જેમાં મહેસાણાનો એક અને પાટણ જિલ્લાના 4 ચૌધરી સમાજના યુવાનોના મોત નિપજ્યા છે. મૃતકોમાં બે યુવકો પાટણ જિલ્લાના કમાલપુર અને સીતાપુરના રહેવાસી છે. તો બે મહેસાણાના ચિત્રોડીપુરા અને સામેત્રાનો છે જ્યારે અન્ય એક વ્યક્તિનું પણ આ અકસ્માતમાં મોત નિપજ્યું છે. 

અકસ્માત અંગે મળતી માહિતી અનુસાર, વેસ્ટર્ન પેરીફેરલ એક્સપ્રેસ વે એટલે કે કુંડલી-માનેસર પલવલ એક્સપ્રેસ વે પર ગુરુવારે આ ભયાનક અકસ્માત સર્જાયો હતો જેમાં પાંચ યુવકોના મોત નિપજ્યા છે. મૃતકોમાં તમામ ગુજરાતના રહેવાસી હતા. અકસ્માત બદાલી અને બુપનિયા વચ્ચે થયો હતો જેમાં ગુજરાતની ક્રેટા ગાડી ટ્રેલર સાથે ટકરાઈ હતી. આ અકસ્માતની જાણ થતાં જ લોકોના ટોળેટોળા એકઠા થઈ ગયા હતા અને તમામને સારવાર માટે બહાદુરગઢ હોસ્પિટલ લઈ જવાયા હતા. જો કે ટુંકી સારવાર બાદ તમામે દમ તોડ્યો હતો.