પાંડેસરાની પ્રયાગરાજ મિલમાં મોટી આગ ફાટી નીકળતા ભયનો માહોલ

પાંડેસરા પોલીસ સ્ટેશનની બાજુમાં સ્થિત પ્રયાગરાજ મિલમાં મોટી આગની ઘટનાને પગલે અફડાતફડીનો માહોલ: બ્રિગેડ કોલ જાહેર કરાયો

પ્રયાગરાજ મિલમાં રાત્રિના સુમારે આગ ફાટી નીકળતા અફડાતફડીનો માહોલ સર્જાયો છે. ફાયર બ્રિગેડના સૂત્રોના જણાવ્યા મુજબ રાત્રે 8:47 વાગે તેમને આગનો કોલ મળ્યો હતો. જે મુજબ પાંડેસરા પોલીસ સ્ટેશન નજીકમાં સ્થિત પ્રયાગરાજ ડાઇંગ એન્ડ પ્રિન્ટિંગ મિલમાં આગ ફાટી નીકળી હતી.પાંડેસરા ફાયર બ્રિગેડ ઉપરાંત શહેરના અન્ય ફાયર ટેન્ડરો ઘટના સ્થળે ઘસી ગયા હતા અને આગ ઉપર કાબુ મેળવવા પ્રયત્ન શરૂ કર્યા હતા. જોકે આગે જોતજોતામાં વિકરાળ સ્વરૂપ ધારણ કરી લીધું હતું. પરિસ્થિતિ જોતા ફાયર બ્રિગેડે ઘટનાને બ્રિગેડ કોલ એટલે કે આગ મોટી હોવાનો કોલ જાહેર કર્યો હતો. આ લખાય છે ત્યારે પણ ફાયર બ્રિગેડના સંખ્યાબંધ ટેન્ડરો, લાશ્કરો, પોલીસ તેમજ પાલિકાના અધિકારીઓ ઘટના સ્થળે તહેનાત છે. મોટી આગને પગલે સમગ્ર વિસ્તારમાં અફડાતફડી તેમજ ભયનો માહોલ છે.

વીડિયો જોવા માટે

https://fb.watch/gPv3TvMQko/