વર્લ્ડ લીડર્સના સર્વે લિસ્ટમાં ભારતીય વડાપ્રધાને મેળવ્યું પ્રથમ સ્થાન

એક સર્વે દરમિયાન વડાપ્રધાન નરેન્દ્ર મોદીને ગ્લોબલ વર્લ્ડ લીડર્સ લિસ્ટમાં પહેલા નંબરે પસંદ કરવામાં આવ્યા છે. વડાપ્રધાનને આ લિસ્ટમાં 76% અપ્રૂવલ રેટિંગ મળ્યું છે. મોદી પછી સ્વિટ્ઝર્લેન્ડના રાષ્ટ્રપતિ એલેન બેર્સેટ 64% એપ્રૂવલ રેટિંગ સાથે બીજા ક્રમે અને મેક્સિકોના રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોર ત્રીજા સ્થાને છે. ડિસિઝન ઈન્ટેલિજન્સ કંપની મોર્નિંગ કન્સલ્ટે આ યાદી બહાર પાડી છે.

આ સિવાય આ યાદીમાં ઑસ્ટ્રેલિયાના વડાપ્રધાન એંથની અલ્બેનિસ 48%ના રેટિંગ સાથે પાંચમા સ્થાને, ઇટાલીના પીએમ જી. મેલોની 42% રેટિંગ સાથે છઠ્ઠા સ્થાને અને યુએસ પ્રમુખ જો બાઇડન 40% રેટિંગ સાથે સાતમા સ્થાને છે જ્યારે બ્રિટિશ વડાપ્રધાન ઋષિ સુનક 27% રેટિંગ સાથે 15મા સ્થાને છે.

અત્રે ઉલ્લેખનિય છે કે, અગાઉ જૂન 2023માં ગ્લોબલ વર્લ્ડ લીડર્સ લિસ્ટ રેટિંગ યાદી બહાર પાડવામાં આવી હતી. એ સમયે પણ પીએમ મોદી ટોપ પર હતા, પરંતુ અગાઉની યાદીની સરખામણીમાં તેમના રેટિંગમાં 2%નો ઘટાડો થયો છે.